काठमाडौं । प्रमुख प्रतिपक्षी नेकपा माओवादी केन्द्रले संघीय निजामती सेवा विधेयकमा गरिएको ‘कुलिङ पिरियड’को व्यवस्था छेडखानीको जिम्मेवारी सभामुख देवराज घिमिरेले लिनुपर्ने बताएको छ ।
माओवादी केन्द्रले बुधबार पार्टी केन्द्रीय कार्यालय पेरिस डाँडामा पत्रकार सम्मेलन गरेर राज्य व्यवस्था तथा सुशासन समितिले सर्वसम्मत सिफारिस गरेको ‘कुलिङ पिरियड’ को व्यवस्थामाथि भएको हेराफेरीको जिम्मा सभामुखले लिनुपर्ने बताएको हो ।
‘विधेयक कार्यसूचीमा समावेशदेखि पारित गर्ने क्रमसम्म विचार गर्दा यी एकाध व्यक्तिले मात्र गरेको दुस्साहस होइन,’ पत्रकार सम्मेलनमा माओवादी केन्द्रका प्रवक्ता अग्निप्रसाद सापकोटाले भने, ‘यो सुनियोजित तरिकाले गरिएको धृष्टता हो । यसको जिम्मा नैतिक रूपमा संसद्को नेतृत्व समेतले लिनु पर्दछ ।’
‘कुलिङ पिरियड’मा भएको छेडखानीलाई गम्भीर प्रकृतिको संसदीय अपराधको संज्ञा दिँदै यथाशक्य छानबिन गरी दोषीमाथि कारबाही गर्नुपर्ने पनि जिकिर गरे ।




















प्रतिक्रिया