काठमाडौं । रसुवाको ल्हेन्दे खोलामा आएको बाढीका कारण भएको क्षतिबाट उत्पन्न प्रारम्भिक बिमा दाबी २८ करोड ९२ लाख ६० हजार बराबर रहेको छ । नेपाल बिमा प्राधिकरणकाअनुसार विभिन्न सात बिमा कम्पनीमा सो बराबरको दाबी परेको हो ।
शिखर इन्स्योरेन्स कम्पनीमा १६ करोड १२ लाख १० हजार बराबरको १० वटा दाबी परेको छ ।
नेको इन्स्योरेन्समा ५ करोड २० लाख बराबरको तीन वटा, सगरमाथा लुम्बिनी इन्स्योरेन्समा ३ करोड ४१ लाख ५० हजार बराबरको ७ वटा दाबी परेको छ ।
नेपाल इन्स्योरेन्स कम्पनीमा १ करोड २८ लाख ५० हजार बराबरको १२ वटा, सानिमा जीआइसी इन्स्योरेन्समा ७७ लाख बराबरको ६ वटा, आइजीआई प्रूडेन्सियलमा ७५ लाख ५० हजार बराबरको ९ वटा बिमा दाबीको आवेदन परेको प्राधिकरणले जनाएको छ ।
त्यसैगरी, युनाइटेड अजोडमा ६८ लाख बराबरको ३ वटा, एनएलजी इन्स्योरेन्समा ४७ लाख बराबरको ६ वटा, सिद्धार्थ प्रिमियरमा ३१ लाख बराबरको ७ वटा बिमा दाबी परेको छ ।
प्राधिकरणका अनुसार कूल ६३ वटा बिमा दाबी परेको छ । रसुवाको ल्हेन्दे खोलामा आएको बाढीका कारण नेपाल चीन जोड्ने मितेरी पुल, सीमामा अवस्थित निर्माणाधीन ड्राइपोर्ट, भन्सार कार्यालय र आसपासमा पार्किङ गरिएका सवारीसाधन बगाएको थियो ।
प्रतिक्रिया