काठमाडाैं । सिद्धार्थ प्रिमियर इन्स्योरेन्स कम्पनी लिमिटेडले गत आवको चौथो त्रैमासको अपरिष्कृत वित्तीय विवरण सार्वजनिक गरेको छ ।
इन्स्योरेन्सले सार्वजनिक गरेको विवरणअनुसार कम्पनीले समीक्षा अवधिसम्म ७१ करोड ३१ लाख रुपैयाँ खुद नाफा आर्जन गरेको छ । यो नाफा अघिल्लो आवको सोही अवधिको तुलनामा ३.६३ प्रतिशतले धेरै हो । अघिल्लो आवको सोहि अवधिसम्म भने कम्पनीको खुद नाफा ६८ करोड ८१ लाख रुपैयाँ थियो ।
कम्पनीले समीक्षा अवधिसम्म २ अर्ब ५ करोड रुपैयाँ खुद बीमाशुल्क आर्जन गरेको छ । कम्पनीको अन्य प्रत्यक्ष आम्दानी २ करोड ६८ लाख,कमिशन आम्दानी ५१ करोड ९२ लाख, लगानी तथा कर्जा आम्दानी ४७ करोड ५९ लाख र अन्य आम्दानी १ करोड ३७ लाख रहेको छ ।
कम्पनीको कुल आम्दानी ३ अर्ब ९ करोड र खुद दाबी भुक्तानी १ अर्ब १३ करोड रुपैयाँ रहेको छ ।
समीक्षा अवधिसम्म कम्पनीले २ अर्ब ८ करोड कुल खर्च गरेको छ । कम्पनीको चुक्तापूँजी २ अर्ब ८० करोड रुपैयाँ रहेको छ ।
समीक्षा अवधिसम्म कम्पनीको प्रतिसेयर आम्दानी (ईपीएस) २५.४१ रुपैयाँ, प्रतिसेयर नेटवर्थ २७४.५६ रुपैयाँ,प्रतिसेयर कुल सम्पत्तिको मूल्य ५५२.२० रुपैयाँ तरलता अनुपात १.१० प्रतिशत र मूल्य आम्दानी अनुपात ३३.०७ गुणा कायम भएको छ ।
प्रतिक्रिया