सुर्खेतमा ईभी खस्यो, घाइते सबै यात्रुको उद्धार

सुर्खेत । बाँकेको कोहलपुरबाट सुर्खेतको वीरेन्द्रनगरतर्फ आउँदै गरेको एउटा ईभी गाडी आइतबार (असोज १२) बिहान ४ बजेतिर दुर्घटना भएको छ । रत्न राजमार्गअन्तर्गत सुर्खेतको बिउरेनीनजिकै ईभी दुर्घटना भएको हो ।

घाइते सबै यात्रुको उद्धार गरी उपचारका निम्ति प्रदेश अस्पतालमा पठाइएको प्रहरीले जनाएको छ ।

कर्णाली प्रदेश ०२,००१ ख ११२९ नम्बरको ईभी गाडी अनियन्त्रित भई सडकबाट तल खसेको हुन सक्ने अनुमान छ ।

घाइतेको संख्या र अवस्था हालसम्म स्पष्ट भएको छैन । घटनाबारे विस्तृत विवरण आउन बाँकी रहेको प्रहरीले जनाएको छ ।