Logo

प्रमुख समाचार

डाइभर्सन बनेपछि सञ्चालनमा आयो बिपी राजमार्ग



काभ्रेपलाञ्चोक । काभ्रेपलाञ्चोक जिल्लाको रोशी- ८ चारसयबेशी र रोशी-११ पिप्लेमा डाइभर्सन निर्माण पश्चात बिपी राजमार्ग संचालनमा आएको छ ।

बिहीबारदेखि परेको अविरल वर्षाले विभिन्न स्थानमा गएको पहिरो र लेदोको कारण तीन दिनदेखि अवरुद्ध राजमार्ग संचालनमा आएको इलाका प्रहरी कार्यालय मंगलटारका प्रमुख प्रहरी निरीक्षक ईश्वर कार्कीले जानकारी दिए ।

रोशी-११ पिप्लेमा र रोशी-८ चारसयबेशीमा डाइभर्सन निर्माणपश्चात आज १२ बजेदेखि बिपी राजमार्ग सञ्चालनमा आएको हो ।

लगातारको वर्षाका कारण बिपी राजमार्ग अन्तरगतको चौकीडाँडा, चारसयबेसीको नाङसाल क्रसर, बोक्सीकुना र माम्तीमा पहिरो खसेर तथा नार्के, पिन्थलीबेशी, विरुवाडाँडा, डालाबेशी लगायतको स्थानमा लेदोको कारण राजमार्ग पूर्णरुपमा अवरुद्ध भएको थियो ।

डाइभर्सन निर्माण भए पनि रोशी खोलाको किनारा र माथिबाट आउने सुक्खा पहिरोको कारण सावधानी अपनाएर यात्रा गर्न प्रशासनले अनुरोध गरेको छ ।

 

प्रकाशित मिति : १६ कार्तिक २०८२, आईतवार १२:४८   :  बजे

27
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।