काठमाडौँ । दूरसञ्चार क्षेत्रको अग्रणी टेलिकम कम्पनी एनसेलले नेपालमा सेवा सुरु गरेको २० वर्ष पुगेको छ । एनसेलले सञ्चालनको लागि पाएको २५ वर्षको अनुमति करिब पाँच वर्ष बाँकी छ । अबको पाँच वर्षमा अनुमति म्याद सकिन्छ ।
एनसेलले पछिल्लो दुई दशकमा मुलुकको दूरसञ्चार क्षेत्रमा महत्त्वपूर्ण भूमिका खलेको छ । दूरसञ्चार क्षेत्रमा मात्रै नभई एनसेलले नेपालको अर्थतन्त्र विकास, रोजगारी सिर्जनामा ठुलो योगदान दिएको छ ।
दूरदराजका नागरिकका लागि दूरसञ्चारको पहुँचदेखि रोजगारीका साथै राज्यलाई खर्बौँ रुपैयाँको राजस्व बुझाउँछ ।
एनसेलको आगमनले टेलिकम क्षेत्रमा सरकारी स्वामित्वको नेपाल टेलिकमको एकाधिकार मात्रै तोडिएन उपभोक्ताले सहज र सुलभ मूल्यमा दुरसञ्चारको पहुँच पाए । एनसेलकै कारण नेपालका दूरदराजमा सञ्चारको पहुँच विस्तार भएको नकार्न सकिँदैन ।
मुलुकको आर्थिक र सामाजिक क्षेत्रमा यति ठुलो योगदान गरेको एनसेलका विरुद्ध सरकार नै लागेको छ । सरकारले एनसेलमा अहिलेसम्म भएको सबै लगानी र पूर्वाधार आफू मातहत ल्याउने योजना बनाएको छ ।
त्यस्ती मात्रै नभएर ऐनसेललाई बेच्ने नभए नेपाल टेलिकमको एकाधिकार जमाउने योजनमा सरकार छ ।
२० वर्षमा एनसेल नेपालका लागि एउटा मात्रै यस्तो विदेशी लगानी भएको संस्था हो, जहाँ समान प्रकृतिका अन्य चार प्रतिस्पर्धी कम्पनीहरू राज्यको नीतिका कारण टिक्न नसक्दा पनि आफूलाई अब्बल साबित गर्दै आएको छ । तर यतिबेला भने यही एनसेल अस्तित्वको लडाइँ लड्नु पर्ने अवस्थामा पुगेको छ ।
२६ कार्तिक २०८२, बुधबार २०:४७



















प्रतिक्रिया