काठमाडौं । पेशागत बीमा अभिकर्ता संघ नेपालकाे आठौँ राष्ट्रिय महाधिवेशनबाट ओम बहादुर खत्रीको नेतृत्वमा नयाँ कार्यसमिति गठन भएको छ।
चैत २७ र २८ गते सम्पन्न महाधिवेशनले सम्पूर्ण पदाधिकारी तथा सदस्यहरू निर्विरोध चयन गर्दै सर्वसम्मत नेतृत्व निर्माण गरेको हो।
निर्वाचन परिणामअनुसार वरिष्ठ उपाध्यक्षमा दिपक अर्याल चयन भएका छन्। उपाध्यक्ष पदमा महेशदत्त भट्ट, दामोदर गौतम, देवी प्रसाद शर्मा जैशी, शंकर बहादुर कुँवर, सूर्य बहादुर भट्टराई, धुवं गिरी र श्याम प्रसाद भट्टराई निर्विरोध निर्वाचित भएका छन्।
महासचिवमा कल्याण विक्रम पाँडे चयन हुँदा सचिव (खुल्ला) तर्फ बसन्त विक्रम कुँवर र अम्बिका गौतम निर्विरोध निर्वाचित भएका छन्।
सचिव (महिला) मा सीता दाहाल चयन भएकी छन्। कोषाध्यक्षमा नानी माया सापकोटा र सह–कोषाध्यक्ष (महिला) मा दुर्गा कुमारी भट्टराई निर्विरोध चयन भएका छन्।
सदस्य (खुल्ला) तर्फ १४ जना—मष्टि प्रसाद जैशी, ज्ञान प्रसाद पौडेल, कृष्ण बहादुर रिमाल, घनश्याम बुढाथोकी, गोविन्द प्रसाद गिरी, गोमान सिंह रावत, इन्द्र बहादुर थापा, दिपक कुमार लामिछाने, राजु भण्डारी, हरि शरण शिवाकोटी, मदन प्रसाद यादव, निरज कुमार भट्ट, हल्ली प्रसाद गड्तोला र महेन्द्र प्रसाद यादव—निर्विरोध चयन भएका छन्।
सदस्य (महिला) तर्फ रविना केसी अधिकारी, खुमा कुमारी बुढा, गंगा कुमारी शर्मा पराजुली, लिला अधिकारी, नान माया खड्का, सुभद्रा अधिकारी र सरस्वती गौतम चयन भएका छन्।
त्यस्तै, सदस्य (दलित, जनजाति, आदिवासी, मधेसी) तर्फ अर्जुन राई र रोशन यादव निर्विरोध निर्वाचित भएका छन्।
निर्वाचन प्रक्रिया अधिवक्ता मदन रेग्मीको प्रमुख निर्वाचन अधिकृतको नेतृत्वमा सम्पन्न भएको थियो। सहायक निर्वाचन अधिकृतका रूपमा अधिवक्ता सुरेन्द्र सिंह ऐर र अधिवक्ता रामहरी रेग्मी रहेका थिए।
प्रतिक्रिया