अझै सुरू भएन रास्वपाको बन्दसत्र

काठमाडौं । रास्वपाको चितवनमा जारी महाधिवेशनको बन्द सत्र ३ घण्टा बित्दासम्म सुरू भएको छैन ।

आज बिहान साढे ८ बजेबाट बन्द सुत्र सुरू गर्ने कार्यतालिका थियो । तर प्रतिनिधिहरूको नामावलीहरू नै टुंगो नलाग्दा तोकिएको समयमा सुरू गर्न समस्या परेको हो ।

रास्वपा निर्वाचन आयोगका प्रमुख भुवन केसीका अनुसार प्रतिनिधिहरूको टुंगो लगाउनेक्रम चलिरहेको छ । यो सकिएपछि मात्र प्रतिनिधिहरू निश्चित हुन्छन् । नेताहरूका अनुसार बन्दसत्र सुरू हुन नै अपराह्न  अबेर हुनसक्छ ।

महाधिवेशनमा करिब ४ हजार प्रतिनिधिको प्रारम्भिक सूची प्रकाशन गरिएको छ । धेरै प्रतिनिधिहरूको रुजु गर्न बाँकी रहेकाले पनि ढिलाइ भइरहेको बताइएको छ ।