Logo

प्रमुख समाचार

सवारी दुर्घटनामा प्रदेश सांसद उत्तरकुमार वली घाइते



दाङमा भएको सवारी दुर्घटनामा प्रदेश सांसद उत्तरकुमार वली घाइते भएका छन् ।घोराहीबाट लमही जाँदै गरेको ना ५ ख ५५२९ नम्बरको यात्रुबाहक बसले बुटवलबाट तुलसीपुर आउँदै गरेको बा १८ च ६८३६ नम्बरको सांसद वली चढेको कारलाई घोराही–लमही सडक खण्डको चिसापानीमा ठक्कर दिएको थियो ।

कारमा सवार वलीको टाउको र खुट्टामा चोट लागेको दाङ प्रहरीले जनाएको छ । प्रहरीका अनुसार सांसद वलीको अवस्था गम्भीर छ ।

उनीसहित ३ जना घाइतेको फ्लोरेन्स अस्पताल लमहीमा उपचार भइरहेको इप्रका लमहीले जानकारी दिएको छ । प्रहरीका अनुसार एकजना महिलालाई बसले च्यापेको छ ।

प्रकाशित मिति : माघ २४, २०७५ बिहीबार  १ : ४४ बजे

0
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।