Logo

अनलाइनपाना खोज

ओली र दाहाल आफैले तयार पार्दै एकता प्रस्ताव, यस्तो छ तयारी



नेकपाका दुई अध्यक्ष्दवय प्रधानमन्त्री केपी शर्मा ओली र पुष्पकमल दाहाल प्रचण्ड पार्टीको तल्लो तह र जनवर्गीय संगठनको एकता प्रक्रिया प्रस्ताव तयार पार्न आफै अघि सर्ने भएका छन् । गत जेठ ३ मा तत्कालनि एमाले र माओवादीबीच एकता भईसहेको भए पनि तल्लो तह र जनवर्गीय संगठनहरुको एकता भने टुंगो लाग्न सकेको थिएन् ।

एकता प्रस्ताव तयार पार्न पुस १३ मा नेकपा स्थायी समिति बैठकले ९ सदस्यीय कार्यादल बनाएको थियो। तर पनि ठोस प्रस्ताव तयार पार्न असफल भएपछि अध्यक्षद्वय केपी ओली र पुष्पकमल दाहाल प्रस्ताव तयार पार्न जुटेका हुन् । कार्यदलले विधानमा देखिएका असमझदारी मात्रै टुंगो लगाउन सफल भएपछि अन्य विषय थाती नै थियो ।

ढिलोमा पुस मसान्तसम्म ठोस प्रस्ताव तयार पारिसक्न म्यान्डेट पाएको कार्यदलले २२ माघसम्म पनि प्रतिवेदन बुझाउन नसकेपछि सचिवालय बैठकले प्रगति विवरणसहतिको प्रतिवेदन बुझाउन निर्देशन दिएको थियो । सोही निर्देशनका आधारमा माघ २५ मा कार्यदलले थप ७ दिन समय माग गर्ने गरी अहिलेसम्म भएका सहमतिको विवरणसहितको प्रतिवेदन बुझाउने निर्णय गरेको थियो ।

कार्यदलले थप समय मागेको थियो । तर पनि दुई अध्यक्षले कार्यदललाई समय दिन चाहेनन् । कार्यदलको प्रतिवेदन बुझिसकेका ओली–दाहालबीच अहिले छलफल भइरहेको छ । केही दिनयता लगातारको छलफलले कार्यदललाई समय नदिई आफैं कार्यदलको रिपोर्टमा आधारित भएर प्रस्ताव तयार पार्न उनीहरू गृहकार्यमा लागेका हुन् । यो समाचार आजको अन्नपूर्ण पोस्ट्दैनिकले छापेको छ ।

प्रकाशित मिति : फाल्गुन ५, २०७५ आईतबार  ३ : ५० बजे