नेपाली कांग्रेसको भातृ संस्था नेपाल विद्यार्थी संघले बाढीपहिरो तथा डुबान पीडितका लागि सहयोग रकम संकलन गरेको छ । बुधबार काठमाडौंका नेपाल टार, बाइपास, माछापोखरी लगायतका ठाउँमा सहयोग संकलन गरिएको हो ।
नगद र जिन्सी सहयोग गरिएको नेविसंघका नि-वर्तमान केन्द्रीय सदस्य शुशिल भट्टले बताएका छन् । सोमबार ४९५७१ हजार नगद र जिन्सी लत्ताकपडा राहत सहयोग संकलन भएको भट्टले बताए ।
संकलन भएको राहत पीडितसमक्ष वितरण गर्ने नेविसंघका निरन्जन थापाले जानकारी दिए । राहत अभियानमा विद्यार्थी नेताहरू शुशिल भट्ट, निरन्जन थापा, पबन थापा, सन्तोष गुरुङ, लक्ष्मी सिलबाल,स्विछा उप्रेती इश्वर अधिकारी, सुबास घिमिरे लगायतको उपस्थिति रहेको थियो ।
नेविसंघ पूर्वमहामन्त्री कुन्दनराज काफ्लेले विज्ञप्ति जारी गरेर देशभरका नेविसंघलाई बाढीपहिरो र डुबान पीडितको उद्धार तथा राहत कार्यमा जुट्न आग्रह गरेका छन् । नेबि सघले देशभर राहत सकल अभियान सन्चालन गरेको छ ।
प्रतिक्रिया