बाँके जिल्लाको नेपालगन्ज उपमहानगरपालिकाका वडाध्यक्ष र सरकारी कर्मचारीलाई कोरोना संक्रमण पुष्टि भएको छ ।
स्वास्थ्य कार्यालय बाँकेका फोकल पर्सन नरेश श्रेष्ठका अनुसार, सोमबार बिहान भेरी अस्पताल नेपालगन्जमा गरिएको परिक्षणमा नेपालगन्ज १ का ४७ वर्षीय पुरुष र नेपालगन्जका ५९ वर्षीय पुरुषमा कोरोना संक्रमण पुष्टि भएको हो ।
संक्रमितमध्ये, एकजना नेपालगन्ज उपमहानगरपालिकाका एक वडाध्यक्ष र अर्का नेपालगन्ज उपमहानगरपालिकामा कार्यरत अधिकृतस्तरका कर्मचारी रहेको स्वास्थ्य कार्यालयले जनाएको छ ।
संक्रमितमध्ये, वडाध्यक्षलाई ज्वरो तथा श्वासप्रश्वास सम्बन्धि लक्ष्ण देखिएको र सरकारी कर्मचारीमा कुनैपनि लक्ष्ण नदेखिएको स्वास्थ्य कार्यालयले जनाएको छ ।
उनीहरू दुबैलाई सुशील कोइराला प्रखर क्यान्सर अस्पताल खजुरामा उपचार हुनेछ ।
प्रतिक्रिया