Logo

प्रमुख समाचार

नेकपाको एकता यात्रा पुरा नभई टुंगियो, एकता कार्यदल आजै भंग



नेपाल कम्युनिस्ट पार्टी (नेकपा)ले एकता तयार पार्नको लागि गठन गरेको एकता कार्यदल भंग भएको छ । एकता कार्यदले कुनैपनि काम गर्न नसकेको भन्दै कार्यदल भंग गरिएको हो ।

नेकपाले सांगठनिक एकता टुंगो लगाउनको लागि उक्त कार्यदल बनाएको थियो । नेकपाको स्थायी कमिटी बैठकले गठन गरेको कार्यदल सचिवालयले विघटन गरिएको हो ।

शुक्रबार विहान बसेको सचिवालय बैठकले एकीकरणका बाँकी काम सवै सचिवालयलेनै गृहकार्य गरेर प्रस्ताव स्थायी कमिटीमा लग्ने निर्णय गरेको हो ।

अब एकीकरणका बाँकीकाम सबै सचिवालयले गर्नेगरी प्रस्ताव तयार पारिनेछ । कार्यदल भंगबारे जानकारी दिदै प्रवक्ता नारायणकाजी श्रेष्ठले भने, ‘साथै यसअघि बनेको कार्यदललाई धन्यवादसहित विदा गर्ने निर्णय भयो ।’

पौष १३ बनेको कार्यदललाई एकीकरणका बाँकी काम टुङ्ग्याउने गरी प्रस्ताव तयार गर्ने म्यान्डेट थियो ।

यसअघि बिहिबार कार्यदलका सदस्यहरु सहित बसेको बैठकमा कार्यदलले एक हप्ताको समय माग गरेको थियो । तर, प्रधानमन्त्री केपी ओली भने यसमा सकारात्मक थिएनन् ।
अब शीर्ष नेताहरु रहेको सचिवालयले सांगठनिक एकताको प्रस्ताव तयार पारेर स्थायी कमिटीमा पेश गर्नेछ ।

यसअघि बिहीबार सचिवालय बेठकमा संयोजक रामबहादुर थापा बादलले पेश गरेको कार्यदलको प्रतिवेदनमा एक साता समय माग गरिएको थियो । बैठकमा बोल्ने कार्यदलका बहुमत सदस्यहरुले पनि म्याद थप्नुपर्ने धारणा राखेका थिए ।

तर, प्रधानमन्त्री एवं अध्यक्ष केपी शर्मा ओलीले कार्यदल विघटन गर्ने प्रस्ताव गरेका थिए । शुक्रबारको सचिवालय बैठकले ओलीकै प्रस्तावअनुसार निर्णय गरेको हो ।

प्रकाशित मिति : फाल्गुन १०, २०७५ शुक्रबार  ६ : ३३ बजे