आगलागीमा परी २ जनाको मृत्यु तथा लाखौँको धनमाल नष्ट

सिरहा, मिर्चैया नगरपालिका-७ मौराहा बस्ने रफिक राईनको घरमा घुरबाट आगो सल्केर बुधबार साँझ आगलागी हुँदा घरभित्र सुतिरहेका रफिक राईनको ८ वर्षीय छोरा जाविर राईनको जलेर मृत्यु भएको छ । आगलागीबाट राईनको घर, काठपात गरी करिब ५ लाख  रूपैयाँ बराबरको धनमाल जलेर नष्ट भएको छ ।

गुल्मी, धुर्कोट गाउँपालिका-५ बस्तु बस्ने ८२ वर्षीया जयकला भण्डारी आफ्नै घरमा आगो ताप्ने क्रममा कपडाबाट आगो सल्किन गई जलेर घाईते भई उपचारको लागि मिशन अस्पताल पठाएकोमा बुधबार बिहान मृत्यु भएको छ ।

सुनसरी, दुहबी नगरपालिका-८ सोनापुरस्थित अरिहन्त जुटमिलमा मेसिनको तार सर्ट भई बुधबार दिउँसो आगलागी हुँदा मेसिनहरु पूर्णरुपमा जलेर करिब १५ लाख रूपैयाँ बराबरको धनमाल नष्ट भएको छ ।

स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा स्थानीय प्रहरीले आवश्यक अनुसन्धान गरिरहेको जनाएको छ ।