सवारी दुर्घटनामा दुईको मृत्यु   

धादिङ, बेनिघाटरोराङ गाउँपालिका-५ बादरेमोडस्थित सडकमा बा.८४ प १५७१ नम्बरको मोटरसाइकल र प्रदेश ३-०१-००३ क ७३२५ नम्बरको दुध बोकेको ट्याङकर एकआपसमा ठक्कर खाई सोमबार दिउँसो दुर्घटना हुँदा मोटरसाइकलमा सवार काठमाडौं गल्फुटार बस्ने २० वर्षीय युजिन खड्काको मृत्यु भएको छ । दुर्घटनामा परी गम्भीर  घाईते भएका उनको  प्राथमिक स्वास्थ्य केन्द्र गजुरीमा उपचारको क्रममा मृत्यु भएको हो । दुवै सवारी साधनका चालकलाई  प्रहरीले नियन्त्रणमा लिएको छ ।

संखुवासभा, पाँचखपन नगरपालिका-३ वाना बार्हबिसेस्थित सडकमा को.२ त ५०१० नम्बरको ट्याक्टर अनियन्त्रित भई सडकबाट करिब ६० मिटर तल खस्दा ट्याक्टरका सहचालक पाँचखपन नगरपालिका-६ बस्ने २२ वर्षीय गोबिन्द कोईरालाको सोमबार बेलुका मृत्यु भएको छ । दुर्घटनामा परी गम्भीर घाइते भएका उनको प्राथमिक स्वास्थ्य चौकी वानामा उपचारको क्रममा मृत्यु भएको  हो । ट्याक्टर चालकलाई प्रहरीले नियन्त्रणमा लिएको छ । 

सवारी दुर्घटनाका सम्बन्धमा स्थानीय प्रहरीले उद्धार एबं आवश्यक अनुसन्धान गरिरहेको जनाएको छ ।