Logo

अर्थ

घट्याे सुनकाे मूल्य



काठमाडाैँ । सोमबार नेपाली बजारमा सुनको मूल्य घटेकाे छ । आज सुनको मूल्य तोलामा ७०० रुपैयाँले घटेको नेपाल सुनचाँदी व्यवसायी महासंघले जनाएकाे छ ।

योसँगै प्रतितोला छापवाला सुन १ लाख ९ हजार ३०० रुपैयाँ र तेजाबी सुन १ लाख ८ हजार ८०० रुपैयाँ कायम भएको छ ।

आइतबार सुनको मूल्य तोलामै २ हजार ९०० रुपैयाँले बढेर हालसम्मकै उच्च भएको थियो । आइतबार छापवाला सुन प्रतितोला १ लाख १० हजार रुपैयाँ र तेजाबी सुन १ लाख ९ हजार ५०० रुपैयाँमा कारोबार भएको थियो ।

आज चाँदीको मूल्य पनि तोलामा १५ रुपैयाँले घटेर १ हजार ३३० रुपैयाँ कायम भएको छ । आइतबार तोलामा ३५ रुपैयाँले बढेर चाँदी १ हजार ३४५ रुपैयाँमा कारोबार भएको थियो ।

प्रकाशित मिति : ६ चैत्र २०७९, सोमबार ११:०८   :  बजे

543
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।