Logo

प्रमुख समाचार

कांग्रेसले भन्यो- गृहमन्त्रीमाथि संसदीय छानबिन समिति गठनको अडान कायमै छ



काठमाडौं । प्रमुख प्रतिपक्षी नेपाली कांग्रेसले सहकारी ठगीमा जोडिएका उपप्रधान तथा गृहमन्त्री रवि लामिछानेमाथि संसदीय छानबिन समिति गठनको अडान कायम राखेको छ । पार्टी सभापति शेरबहादुर देउवाको निवास बुढानीलकण्ठमा बसेको शीर्ष नेताको बैठकले सहकारी ठगीमा जोडिएका मन्त्रीमाथि छानबिन गर्न संसदीय समिति गठनको विकल्प नभएको निष्कर्ष निकालेको हो ।

सभापति शेरवहादुर देउवा निवासमा बसेको वर्तमान तथा पूर्व पदाधिकारीको बैठकले संसदीय छानवीन समित गठनको मागलाई पार्टीको ‘बटमलाइन’ बनाउने निर्णय गरेको महामन्त्री गगनकुमार थापाले जानकारी दिए ।

संसदीय छानबिन समितिको मोडालिटीमा छलफल गर्न सकिने तर सत्तापक्षले भनेजस्तो समिति बनाउनै नहुने जवाफलाई प्रतिवाद गर्ने थापाको भनाई छ । संसदीय छानबिन समितिका विषयमा पार्टी एकमत रहेको थापाले बताए ।

कांग्रेसले माग गरिरहेको संसदीय छानबिन समितिका बारेमा छलफल गर्न सभामुख देवराज घिमिरेले दलका नेताहरूलाई २ः३० बजे बोलाएका छन् । कांग्रेसबाट सभापति शेरबहादुर देउवा र प्रमुख सचेतक रमेश लेखक उक्त बैठकमा सहभागी हुने भएका छन् ।

प्रकाशित मिति : २६ चैत्र २०८०, सोमबार ११:४६   :  बजे

51
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।