काठमाडौँ । नेपाली कांग्रेसको क्रियाशील सदस्यता नवीकरणको काम पहिलो पटक निर्धारण गरिएको समयमा टुङ्गिन सकेन । केही विवादका कारण क्रियाशील सदस्यता नवीकरण टुङ्गिन नसकेको हो ।
कांग्रेस केन्द्रीय कार्यसमितिको गत पुस १९ गते बसेको बैठकमा महामन्त्री गगन थापा नेतृत्व तथा केन्द्रीय सदस्यहरू सीता गुरूङ, योगेन्द्र चौधरी र प्रकाश रसाइली (स्नेही) सदस्य रहेको ‘क्रियाशील सदस्यता व्यवस्थापन समिति’लाई चैत मसान्तसम्म क्रियाशील सदस्यता नवीकरण गरिसक्न निर्देशन दिएको थियो ।
केन्द्रीय कार्यसमितिको सोही निर्देशन बमोजिम समितिका संयोजक महामन्त्री थापाले गत माघ ३ गते ७७ वटै जिल्ला समिति सभापतिहरूलाई परिपत्र गर्दै चैत २९ गते शुक्रबार दिउँसो ३ बजेसम्म क्रियाशील सदस्यता नवीकरण गरी सम्पूर्ण कागजात केन्द्रीय कार्यालयमा पठाइसक्न निर्देशन दिएका थिए ।
परिपत्रमा बोधार्थ र कार्यार्थ सबै प्रदेशका सभापति, सबै प्रतिनिधि सभा क्षेत्रीय कार्यसमिति, सबै प्रदेश सभा क्षेत्रीय कार्यसमिति, सबै पालिका सभापति र सबै वडा सभापतिलाई दिइएको थियो ।




















प्रतिक्रिया