Logo

अर्थ

नेपाल इन्स्योरेन्सले करिब २ लाख कित्ता अवितरित हकप्रद सेयर बिक्री गर्दै



काठमाडौं । नेपाल इन्स्योरेन्स कम्पनीले करिब २ लाख कित्ता अवितरित हकप्रद सेयर भदौ २७ गतेबाट बिक्रीमा राख्ने भएको छ ।

कम्पनीले गत साउन ६ गतेदेखि भदौ २ गतेसम्म आफ्ना शेयरधनीहरुलाई १ः०.३४७८ अनुपातमा अर्थात चुक्तापुँजी ३४.७८ प्रतिशत हकप्रद सेयर बिक्री खुला गरेको छ । त्यतिबेला खरिद नभएको १ लाख ९७ हजार ४२.७६ कित्ता सेयर लिलामी प्रक्रियामार्फत बिक्रीमा राख्न लागिएको हो । जसमा सर्वसाधारण समूहको १ लाख ९२ हजार ५७४ कित्ता र संस्थापक समूहको ४ हजार ४६८.७६ कित्ता रहेको छ ।

यो सेयरमा इच्छुक व्यक्ति, संस्था तथा कम्पनीले खरिदका लागि बोलपत्र पेस गर्न सक्नेछन् । बोलपत्र पेस गर्दा संस्थापक समूहतर्फ न्यूनतम १ हजार कित्ता र सर्वसाधारणतर्फ १०० कित्ता र अधिकतममा सम्पूर्ण कित्ताका लागि आवेदन दिन सकिनेछ ।

बिक्रीमा राखिएको सेयरको न्यूनतम मूल्य प्रतिकित्ता १०० रुपैयाँ तोकिएको छ । लगानीकर्ता असोज ५ गतेसम्म बोलपत्र पेस गर्न सक्नेछन् । बोलपत्र धितोपत्र बिक्री प्रबन्धक एनआईएमबी एस क्यापिटलका लाजिम्पाट, पोखरा, बुटवल, वीरगन्ज र विराटनगर कार्यालयमा पेस गर्न सकिनेछ ।

प्रकाशित मिति : २० भाद्र २०८२, शुक्रबार १२:४५   :  बजे

21
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।