सांसद कृष्णकुमार कार्कीको प्रकरणमा आशिका तामाङ–सत्यतथ्य छानबिन होस्

काठमाडौँ । राष्ट्रिय स्वतन्त्र पार्टी (रास्वपा) की सांसद आशिका तामाङले सांसद कृष्णकुमार कार्कीमाथि लागेको आरोपबारे गम्भीर छानबिन हुनुपर्ने बताएकी छन्।

तामाङले सामाजिक सञ्जालमार्फत पार्टीभन्दा माथि उठेर सत्यको पक्षमा उभिनुपर्ने धारणा व्यक्त गर्दै महिलाको अस्मिता र मातृत्व संवेदनशील विषय भएको उल्लेख गरेकी छन्।

उनले लेखेकी छन्, देखिएका सबै कुरा सत्य नहुन पनि सक्छन् तर सार्वजनिक रूपमा आएका विषयहरूको निष्पक्ष अनुसन्धान हुन आवश्यक छ। गलत भएमा गलत भन्नु नै सबैको जिम्मेवारी भएको उनको भनाइ छ।

हाल एक नाइजेरियन युवतीले सांसद कार्कीसँग आफ्नो सम्बन्ध रहेको र आफू गर्भवती भएपछि बेवास्ता गरिएको आरोप लगाउँदै सामाजिक सञ्जालमा भिडियो र प्रमाण सार्वजनिक गरेपछि यो विषय चर्चामा आएको छ।