भिरमा अड्किएको अवस्थामा शव फेला

बैतडीमा भिरमा अड्किएको अवस्थामा एक जनाको शव फेला परेको छ । बैतडीको पाटन नगरपालिका वडा नं ६ भिटाचौपाता भन्ने भिरमा एक पुरुषको शव फेला परेको हो ।

अन्दाजी ४० बर्षीय पाटन नगरपालिका वडा नं ४ का ४५ वर्षीय तेज बहादुर ऐरको शव भिरमा अड्किएको अवस्थामा फेला परेको जिल्ला प्रहरी कार्यालय बैतडीले जनाएको छ ।

आज बिहान घाँस काट्न गएका महिलाले शव देखेपछि प्रहरीलाई खबर गरेका थिए । घटनाको थप अनुसन्धान भइरहेको जिल्ला प्रहरी कार्यालय बैतडीले जनाएको छ ।