Logo

कर्पोरेट टक

हाम्रो व्यवसाय र संघलाई बलियो बनाएर अगाडि लैजान हामी एक जुट भएका छौं : ध्रुबबहादुर थापा [अन्तर्वार्ता]

अध्यक्ष अटोमोबाइल्स एसोसिएसन अफ नेपाल (नाडा)



अटोमोबाइल्स एसोसिएसन अफ नेपाल (नाडा)को गत मंसिर २३ गते ४५ औं वार्षिक साधारण सभा सम्पन्न भएको छ । सभाले नयाँ कार्यसमिति निर्वाचित गरेको छ । निर्वाचनबाट अध्यक्ष पदमा निर्वाचित ध्रुबबहादुर थापासँग नाडाको आगामी योजना, नेपालमा अटोमोबाइल व्यवसायको अवस्था र चुनौती, सरकारको सवारी नीति, सडकको अवस्थालगायत विषयमा अनलाइनपानाकर्मी रामनाथ कुँवरले गरेको कुराकानीको संम्पादित अंश :

अटोमोबाइल्स एसोसिएसन अफ नेपाल (नाडा)मा तपाईँ अध्यक्ष निर्वाचित भएपछि के—के कामहरू सुरू गर्नु भयो ?

हामीले निर्वाचित भएर सफथ लिएको एक हप्ता मात्रै भएको छ । सर्वप्रथम हामी नाडामा कमिटिहरू गठन गर्ने क्रममा छौं । त्यसपछि हाम्रो अन्य कामहरू क्रमबद्ध तरिकाले अगाडि बढाउने छौं । अहिले हामीले सरकारी निकायहरूसँग भेटघाट गरिरहेका छौं । हाम्रो व्यवसायमा भएका समस्याहरू समाधान गर्न हामी पहल गरिरहेका छौं । त्यसैगरी हामी अब विधान संसोधनको लागि प्रक्रिया अगाडि बढाउँछौं । नियमित हुने कामहरू त भई रहन्छन् । त्यसैगरी हामी नेपालमा इंटरनेशनल अटोमोबाइल समिति गठन गर्ने भन्ने तयारीमा छौं । अन्य व्यवसायिक कामहरूको लागि सरकारसँग सम्बन्ध बढाउन गर्ने भएकोले हाम्रो प्रयास जारी छ ।

नाडामा व्यवसायीहरूमा एकता छ ?

हामी साधारण सभाको निर्वाचनमा प्यानलसहित निर्वाचन लडे पनि अहिले त्यो भङ्ग भएको छ । हामी निर्वाचित भएपछि सबै व्यवसायीहरूलाई साथमा लिएर अगाडि बढने बाटोमा छौं । सबै व्यवसायीको समस्या र एजेण्डाहरू एकै हुन् । निर्वाचनमा बनेको प्यानल निर्वाचनको दिनसम्म मात्र थियो । अहिले हाम्रो व्यवसाय र संघलाई बलियो बनाएर अगाडि लैजान हामी एक जुट भएका छौं । हाम्रो मुल मुद्धा नै व्यवसायीको हक हितका लागि काम गर्ने हो ।

नाडालाई संस्थागत रूपमा बलियो बनाउन र नेपाल सरकारसँग विवादित विषयलाई सुल्झाउन तपाईँ अब कस्तो कदम चाल्नुहुन्छ ?

हाम्रो व्यवसायसँग सरोकार राख्ने सरकारको निकायहरू जस्तो यातायात विभाग, भन्सार विभाग, अर्थ मन्त्रालय, उद्योग मन्त्रालय र अन्य निकायहरूसँग हामीले भेटघाट, छलफल सुरू गरेका छौँ । त्यसैगरी प्रदेश सरकार र प्रदेश सरकारका विभिन्न निकायसँग पनि छलफल सुरू गरेका छौँ । हाम्रो नाडाको निर्वाचनले पनि सबैलाई नाडाको विषयमा जानकारी भएको रहेछ । नाडाको प्रचारप्रसार पनि राम्रो भएको देखिएको छ । पहिले नाडालाई एउटा अटो सो मात्रै भनेर चिनिन्थ्यो भने, अहिले नाडालाई संस्था हो भनेर देशव्यापी रुपमा नै सबैले चिनेका छन् । त्यसले गर्दा पनि हामीलाई आफ्नो कुरा राख्न र उपस्थिति जनाउन सहज भएको छ । सरकारसँग हामी नाडाको समस्या र मागलाई राख्ने छौं ।

तपाईँले अध्यक्षमा उम्मेदवारी दिँदै गर्दा नाडालाई प्रविधिमैन्त्री बनाउने एजेण्डा अगाडि सार्नु भएको थियो । अब निर्वाचित भएपछि नाडालाई प्रविधिमैत्री बनाउन कसरी काम अगाडि बढाउनु हुन्छ ?

नाडालाई प्रविधिमैत्री बनाउन कामहरू सुरू भैसकेको छ । हामीले नाडा ओएवसायिडलाई पुरानो भएकोले नयाँ बनाउन अपडेट गर्न दिइसकेका छौं । संघलाई सुचना प्रविधिमैत्री बनाउन एउटा कमेटि गठन गर्दै छौँ । त्यसले व्यवसायीलाई छिटो म्यासेजहरू जाने छिटो सुचना जाने बनाउन काम गर्ने छ । हामी हार्डकपीलाई पनि डिजिटलाइट गर्दै छौं । त्यसले पनि एप्लिकेशनको माध्यामबाटै तुरुन्तै सूचना प्रदान हुन्छ । अझै हामी समयको माग अनुसार अन्य सुधारहरू पनि गर्दै जाने छौं । अब नाडा प्रविधिमैत्री बन्छ ।

नाडा पूर्ण रूपमा संघीय संरचनामा गैसकेको हो ?

संघीय रूपमा गइसकेको छ । हाम्रो सात वटै प्रदेशहरूमा हाम्रो संस्था स्थापित भइसकेको छ । कतिपय नसमेटिएका पक्षहरू छन् । ती सबैलाई कसरी समेटेर जाने भन्नेमा हामीले छलफल गर्न थालेका छौं । कतिपय पहिलेदेखि नै सकृय छन् । कतिपय भने तदर्थ समिति गठन गरेर चुनाव गर्न तिर अगाडि बढ्दै छन् । प्रदेशका संस्थाहरूलाई एकजुट बनाएर अधिकार सम्पन्न बनाएर लैजान हामीले पहल थालेका छौं ।

साना व्यवसायीको हितमा जोडो दिने प्रतिवद्धता गर्नु भएको थियो । यसमा कसरी काम सुरू गर्नुभयो ?

सर्वप्रथम हामीले भ्यू बुझने काम गछौँ । हामीले कुनै व्यवसायीको व्यक्तिगत काम नभएर सामुहीक संस्थागत रूपमा काम गर्ने हो । अहिले कतिपयले भन्सारमा दुख पाएका छन् । कतिपयले डिलरमा समस्या पाएका छन् । डिलरको स्टकमा विक्रिको लागि राखिएको वस्तुमा पनि कर लागेको छ । त्यो कर लिन भएन भन्ने हाम्रो माग हो । हामीले सरकारसँग यो कुरा राखिसकेका छौं । यसलाई सरकारले पनि सकरात्मक रूपमा लिएको छ । यि साना व्यवसायीका कुरा हुन् । यस्ता कुराहरूमा हामीले ध्यान दिएका छौं ।

सवारी साधनको प्रदुषण नियन्त्रणमा अब नाडाले कस्तो भूमिका खेल्छ ?

यसमा सरकारले पनि विशेष पहल गरिराखेको छ । नेपाल प्रदुषण मापदण्डलाई पनि अपग्रेट गर्न सरकार गैराखेको छ । हामीले चाहिँ यसमा विद्युतीय सवारी साधनको आयतमा हामीले वृद्धि गरिराखेका छौँ । यसमा सरकारले पनि साथ दिएको छ । प्रदुषण रहित सवारीको आयतमा बढवा दिए पछि । सवारी प्रदुषण कम हुन्छ । मानवीय स्वास्थ्य, नेपालको विद्युतीय खपत जलमैन्त्री भएकोले पनि हामी त्यसमा लागेका छौँ ।

अटोमोबाइल्स एसोसिएसन अफ नेपाल (नाडा)मा हाल मुख्य-मुख्य समस्याहरू के—के छन् ?

अहिले तत्कालै आएको एमसीको कुरा छ । यसमा जुन ५० प्रतिशत मार्जिनको कुराले व्यवसायीलाई व्यवसाय गर्न नै अप्ठेरो पर्ने भएको छ । आयत गर्न पनि समस्या भएको छ । यसमा ५० देखि १०० प्रतिशत सम्म मार्जिन राख्न पर्ने भन्ने आएको छ । यसका लागि हामीले सरकारसँग कुरा राखेका छौँ । अर्को कुरा भन्सारमा आयत मूल्य सूचि राखेको छ । संसारमा नभएको सिस्टम नेपालमा लागु गरेको छ । जबकि हामीले एमसी खोलेर ट्रान्सफरेन्सी रूपमा वस्तुहरू आयत गरिराखेका छौँ भने सरकारले आफ्नै तरिकाले भन्सार मूल्य सूचि त्योकेको विषयले अप्ठेरो बनाएको छ ।

प्रकाशित मिति : पुष १८, २०७८ आईतबार  १२ : ५८ बजे