ओखलढुङ्गा । एमालेबाट ओखलढुङ्गाको लिखु गाउँपालिका अध्यक्षका उम्मेदवार मिलनकुमार विष्टविरुद्ध अदालतले पक्राउ पुर्जी जारी गरेको छ ।
जिल्ला अदालत भक्तपुरले कार्कीविरुद्ध ठगी र किर्ते मुद्दामा पक्राउ पुर्जी जारी गरेको हो । यस्तै विष्टविरुद्ध दोहोरो नागरिकतासम्बन्धी मुद्धा पनि अनुसन्धान भइरहेको छ ।
विष्टले जिल्ला प्रशासन कार्यालय काठमाण्डुबाट मिलनकुमार विष्ट र जिल्ला प्रशासन कार्यालय ओखलढुङ्गाबाट होमबहादुर विष्टका नाममा नागरिकता लिएको उजुरी परेपछि अनुसन्धान अघि बढेको हो ।
ओखलढुङ्गाका प्रहरी नायब उपरीक्षक सुकदेव खनालले दोहोरो नागरिकता लिएकोबारे विष्टविरुद्ध उजुरी परेको पुष्टि गरे । त्यसबारे अनुसन्धान भइरहेको उनले बताए ।
अदालतबाट पक्राउ पुर्जी जारी भएको पत्र पाउनासाथ उनलाई पक्राउ गरिने प्रहरीशले जनाएको छ ।
प्रतिक्रिया