सुर्खेतको गुर्भाकोटमा दोहोरिए कांग्रेसका पुन

सुर्खेत । पूर्वी सुर्खेतको गुर्भाकोट नगरपालिकामा नेपाली कांग्रेसले जीत हात पारेको छ ।

नेपाली कांग्रेसका निवर्तमान मेयर समेत रहेका हस्त पुनले ११ हजार ९७८ मत ल्याएर विजयी भए । नेकपा एमालेका तिलकबहादुर खत्रीले १० हजार १८६ मत पाए ।

उपप्रमुखमा कांग्रेसकै मैना विक विजयी भएकी छिन् । उनले ११ हजार ७४३ मत ल्याउँदा निकटतम प्रतिद्वन्द्वी एमालेकी सुशीला कुमारी विश्वकर्मा सुनारले १० हजार २९९ मत पाइन् । नगरपालिकामा १४ वडामध्ये दुई देखि ९ तथा वडा नं. १३ र १४ मा कांग्रेस विजयी भएको छ । एमालेले वडा नं. १, १० र ११ जितेको छ ।