उपत्यकाको निषेधाज्ञा खुकुलो हुन थालेपछि सडकमा मानिससँगै सवारीको चाप पनि बढ्न थालेको छ । तर पैदल यात्रु हिड्को लागी भनेर बनाइएको फूटपाथ भने भद्रगोल देखिन्छ । पहिलो लकडाउनको समयमा समेत निर्माण गरिएका फूटपाथ मानिसहरु हिड्न नपाउँदै भद्रगोल बनेका हुन् ।
हुन त काठमाडौं महानगरपालिकाका ईन्जिनियर राम बहादुर थापाले मेलम्चीको पानीको चुहावटले फूटपाथ भत्किएको भनेका छन् । तर कारण त्यति मात्र देखिदैन । मुनि पाइप नओछ्याइएको ठाउँमा समेत फूटपाथमा खाल्डै खाल्डा देखिन्छ ।
सवारी साधन नगुड्दा सडक सफा भई रहेका बेला फूटपाथ भने कतै निर्माण सामाग्री थुपारेर त कतै फोहोर थुपारेर अवरोध गरिएको छ । मानिस र सवारी एकै ठाउँको आगमनले दुर्घटना निम्तिने खतरा टार्न निर्माण गरिएको फूटपाथ पैदलयात्रुका लागि अवरोध मात्र होईन खतरा समेत रहेको छ ।
अनलाइनपाना डटकमका फोटो पत्रकार सञ्जिव मानन्धरले काठमाडौंको छाउनी क्षेत्रमा खिचेका तस्बिरहरु :
प्रतिक्रिया