Logo

अर्थ

मोवाईल एपबाटै RePIN को सेवा दिँदै कृषि विकास बैंक 



काठमाडाैं । कृषि विकास बैंकले आफ्ना ग्राहकहरुलाई सहज रुपमा GreenPIN मार्फत मोवाईलमा SMS माध्यमबाट PIN आउने प्रणालीको सुरुवात गरेकाे छ । पहिले कागजी प्रकृयाबाट ग्राहकले पाउने PIN लाई भरपर्दो सहज र तुरुन्त ग्राहकको मोवाईलमा आउने भएकोले ग्राहकले समयमै आफ्नो VISA Debit/Credit कार्ड संचालनमा ल्याउन सक्नेछन् ।

हाल यसका लागि सुरुवातमा ग्राहकले VISA Debit/Credit कार्ड शाखा कार्यालयबाट प्राप्त गरे पश्चात ग्राहकको मोवाईलमा SMS को माध्यमबाट PIN आउछ । VISA Debit/Credit कार्ड भएका ग्राहकले आफ्नो PIN हराएमा वा भुलेमा RePIN का लागि नजिकैको कृषि विकास बैंकमा सम्पर्क गरि तुरुन्त SMS को माध्यमबाट PIN प्राप्त गर्न सक्नेछन् ।

ग्राहकको चाहाना र आवश्यकतालाई मध्यनजर गर्दै बैंकले छोटो समयमा आफ्नै अद्यावधिक गरिएको मोवाईल एपबाट RePIN वा Block गर्न सक्ने सुविधालाई चाडै कार्यान्वयनमा ल्याउने बैंकका प्रमुख संचालन अधिकृत प्रताप सुवेदीले बताएका छन् । यो सेवा संचालनमा आए पश्चात ग्राहकले विना झण्झट सहज र सुरक्षित तरिकाले SMS बाट PIN प्राप्त गरि कार्ड संचालन गरि सेवाको भरपुर लाभ लिनसक्ने भरपर्दो सेवा हुने बैकले जनाएको छ ।

प्रकाशित मिति : ३ श्रावण २०८०, बुधबार २१:३८   :  बजे

51
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।