Logo

प्रमुख समाचार

रेशम चौधरीलाई नाउपाको अध्यक्षमा निर्वाचन आयोगले दिएन मान्यता



काठमाडौं । निर्वाचन आयोगले रेशम चौधरीलाई नागरिक उन्मुक्ति पार्टी (नाउपा)को अध्यक्षको मान्यता दिन अस्वीकार गरेको छ ।

नागरिक उन्मुक्ति पार्टीले २७ पुसमा कैलालीको टीकापुरमा भएको महाधिवेशनबाट चौधरीलाई सर्वसम्मत रुपमा अध्यक्ष चयन गरेको थियो । त्यस अनुसार नाउपाले दलको अभिलेख अद्यावधिक गरिदिन निर्वाचन आयोगमा २९ माघमा निवेदन दिएको थियो ।

लामो कानूनी छलफलपछि आयोगले अद्यावधिक नगर्ने निर्णय गरेको एक आयुक्तले बताए । “राजनीतिमा दुरगामी असर पर्ने भएकाले अद्यावधिक नगर्ने निर्णय भएको छ,” ति आयुक्तले भने ।

टीकापुर घटनामा तीनै तहको अदालतबाट दोषी ठहर भएका चौधरीले राष्ट्रपतिबाट आम माफी पाएका थिए ।

 

प्रकाशित मिति : फाल्गुन २४, २०८० बिहीबार  ३ : ४२ बजे

18
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।