Logo

बागमती प्रदेश

बागमती प्रदेशसभा बैठक स्थगित



मकवानपुर । बागमती प्रदेश सभा बैठक १० मिनेट बसेर स्थगित भएको छ । मंगलबार ३ बजेका लागि आह्वान गरिएको बैठक निर्धारित समयभन्दा एक घण्टा ढिला गरी सुरु भएको थियो ।

करिब ४ बजे सुरु भएको बैठक १० मिनेट बसेर स्थगित गरिएको हो । मंगलबारका लागि तय गरिएको कार्यसूची अनुसार बैठक सञ्चालन गरी सभामुख भुवन कुमार पाठकले स्थगित गरेका हुन् ।

बैठकमा बजेट तथा कार्यक्रम व्यवस्थापन विशेष समितिको प्रतिवेदन पेस गरिएको थियो । समितिका संयोजक नेपाली कांग्रेस संसदीय दलका सचेतक गोविन्द लम्सालले संसद बैठकमा प्रतिवेदन पेस गरेका थिए । उनले पेस गरेको प्रतिवेदन माथि छलफल गरी पारित गरिनेछ भने सो अनुसार प्रदेश सरकारलाई संसदले निर्देशन दिनेछ ।

प्रदेशसभाको अर्को बैठक बुधवार दिउँसो ३ बजे बस्नेछ ।

प्रकाशित मिति : फाल्गुन २९, २०८० मंगलबार  ४ : ५६ बजे

9
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।