काठमाडौं । नेकपा माओवादी केन्द्रले आन्दोलनरत शिक्षकहरूको माग पूरा गर्न सरकारसँग माग गरेको छ ।
केन्द्रीय कार्यालय पेरिसडाँडामा आयोजित पत्रकार सम्मेलनमा बोल्दै प्रवक्ता अग्निप्रसाद सापकोटाले आउँदो संसद अधिवेशनबाट शिक्षा विधेयक फास्ट ट्रयाकमा पारित गर्नुपर्ने बताए ।
उनले भने, ‘शिक्षकहरू अहिले सडकमा छन् तर प्रधानमन्त्री माग पूरा गर्न भन्दा उनीहरूलाई होच्याउने र अपमानित गर्नमा केन्द्रित छन् । १२ गतेदेखि सुरू हुने अधिवेशनबाट शिक्षा विधेयक पारित गर्न माग गर्दछु ।’
यस्तै, आन्दोलनरत लघुवित्त र सहकारी पीडित, कर्मचारी, चिकित्सकलगायत आन्दोलनरत पक्षहरूसँग वार्ता गरेर जायज माग पूरा गर्न पनि माओवादीको माग छ ।
प्रतिक्रिया