इण्डियन प्रिमियर लिग (आईपीएल) टी-२० को १३ औं संस्करणका मोस्ट भ्यालुएबल प्लेयर अर्थात् प्लेयर अफ द सिरिज राजस्थान रोयल्सका तीब्र गतिका बलर जोफ्रा आर्चर घोषित भएका छन् ।
गएराति दुबईमा सम्पन्न आईपीएलको अंक तालिकामा राजस्थान अन्तिम स्थानमा रहे पनि आर्चर भने लिगकै मोस्ट भ्यालुएबल प्लेअर घोषित बने । आर्चरले मुम्बई इन्डियन्सको बलर जसप्रित बुमराह र दिल्ली क्यापिटल्सका बलर कागिसो रबाडालाई पछि पारे ।
पाँचौ पटक उपाधि जितेर किर्तिमान रचेको मुम्बईले फेयर प्लेको अवार्ड समेत जितेको छ ।
यस्तै मुम्बईकै किरण पोलार्ड, इशान किसन र ट्रेन्ट बोल्टले समेत व्यक्तिगत अवार्ड जिते । किरणले सुपर स्ट्राइकर अवार्ड र बोल्टले पावर प्ले अवार्ड र इशानले सर्वाधिक छक्का प्रहार गर्ने अवार्ड जिते ।किशानले लिगभर कुल ३० छक्का प्रहार गरे ।
आइपीएल १३औं सिजनको इमर्जिङ प्लेयर अवार्ड रोएल च्यालेन्जर्स बैंगलोरका युवा ओपनर ब्याट्सम्यान देबदत्त पाडिक्कलले जिते ।
प्रतिक्रिया