काठमाडौं । नेपाल एसबीआई बैंकको नाफा सामान्य घटेको छ । बैंकले सार्वजनिक गरेको गत आर्थिक वर्षको अपरिस्कृत वित्तीय विवरणअनुसार खुद नाफा १ अर्ब ८० करोड रुपैयाँ छ । यो नाफा अघिल्लो आर्थिक वर्षको सोही अवधिको तुलनामा ९.८६ प्रतिशत कम हो ।
अघिल्लो आर्थिक वर्ष यस्तो नाफा १ अर्ब ९९ करोड रुपैयाँ थियो । बैंकको अघिल्लो आर्थिक वर्ष इम्पेरिमेन्ट चार्ज ६४ करोड रुपैयाँ रहेकोमा गत आर्थिक वर्ष बढेर १ अर्ब २ करोड रुपैयाँ छ ।
खुद ब्याज आम्दानी अघिल्लो आर्थिक वर्ष ५ अर्ब ७ करोड रुपैयाँ रहेकोमा गत आर्थिक वर्ष ५ अर्ब २६ करोड रुपैयाँ छ ।
बैंकको वितरणयोग्य नाफा बढेको छ । असार मसान्तसम्म वितरणयोग्य नाफा १ अर्ब २३ करोड रुपैयाँ छ । प्रतिसेयर वितरणयोग्य नाफा ११ रुपैयाँ २९ पैसा हो । प्रतिसेयर नेटवर्थ १८८ रुपैयाँ ५९ पैसा छ ।




















प्रतिक्रिया