काठमाडौं । चालु आर्थिक वर्ष २०८२/८३ को पहिलो महिना (साउन)मा एक खर्ब ७७ अर्ब ४१ करोड रुपैयाँ विप्रेषण (रेमिट्यान्स) भित्रिएको छ ।
नेपाल राष्ट्र बैंकका अनुसार, गत आर्थिक वर्ष ०८१/८२ को सोही अवधिको तुलनामा रेमिट्यान्स २९.९ प्रतिशतले वृद्धि भएको हो ।
गत वर्षको साउनमा एक खर्ब ३६ अर्ब ६० करोड रुपैयाँ रेमिट्यान्स भित्रिएको थियो ।
समीक्षा अवधिमा संस्थागत तथा व्यक्तिगत–नयाँ वैदेशिक रोजगारीका लागि अन्तिम श्रम स्वीकृति लिने नेपालीको संख्या ४४ हजार ४६६ र पुनः श्रम स्वीकृति लिनेको संख्या २३ हजार ६४४ रहेको छ ।
अघिल्लो वर्षको सोही अवधिमा क्रमशः ३६ हजार९२८ र २२ हजार ६४७ रहेको थियो ।
प्रतिक्रिया