काठमाडौं । सरकारले सार्वजनिक पदमा बसेका उच्च पदाधिकारीहरूको सम्पत्ति छानबिन गर्न आयोग गठन गरेको छ।
मन्त्रिपरिषद्को निर्णयअनुसार पूर्वन्यायाधीश राजेन्द्रकुमार भण्डारीको संयोजकत्वमा पाँच सदस्यीय सम्पत्ति जाँचबुझ आयोग गठन गरिएको हो।
आयोगले २०६२/६३ देखि ०८२/८३ सम्म सार्वजनिक पद धारण गरेका प्रमुख राजनीतिक पदाधिकारी तथा उच्च तहका कर्मचारीहरूको सम्पत्ति विवरण संकलन, प्रमाणीकरण र छानबिन गर्ने कार्यादेश पाएको छ।
सरकारका प्रवक्ता एवं शिक्षामन्त्री सस्मित पोखरेलका अनुसार आयोगमा पूर्वन्यायाधीश पुरुषोत्तम पराजुली र चण्डिराज ढकाल सदस्य रहेका छन्।
यस्तै, पूर्व प्रहरी नायब महानिरीक्षक गणेश केसी र चार्टर्ड एकाउन्टेन्ट प्रकाश लम्साल पनि सदस्यमा समावेश छन्।
प्रतिक्रिया