काठमाडाैं । राष्ट्रिय स्वतन्त्र पार्टी (रास्वपा)ले लेटरहेड र कार्डलगायत कागजातमा ‘माननीय’ शब्द नलेख्न निर्देशन दिएको छ ।
सिंहदरबारमा जारी संसदीय दलको बैठकमा पार्टी नेतृत्वले सो निर्देशन दिएको पार्टी प्रवक्ता मनिष झाले जानकारी दिए ।
‘राष्ट्रिय स्वतन्त्र पार्टीको सबै सांसदहरूको लेटरहेड र कार्डलगायतको कागजातमा एकरूपता अपनाउन निर्देशन र आफ्नो कुनै कागजातमा माननीय सम्बोधन नगर्न निर्देशन छ’, प्रवक्ता झाले भने ।
‘आगामी निर्वाचनमा उपयुक्त उम्मेदवार चयन र निर्वाचन पूर्व प्रशिक्षणको लागि वैशाख २० देखि क्यानिडेट क्लबको अभ्यास हुने भएकाले कसैले कसैलाई आगामी निर्वाचनको टिकटबारे कुनै प्रतिबद्धता नगर्न निर्देशन छ’, रास्वपाले निर्देशन दिँदै भनेको छ । साथै निर्देशनविपरित कतै त्यस्तो गलत अभ्यास भेटिएमा कारबाही गर्ने रास्वपाको चेतावनी छ ।
प्रतिक्रिया