काठमाडौं। राष्ट्रपति रामचन्द्र पौडेलले संवैधानिक परिषद्सम्बन्धी अध्यादेश फिर्ता पठाएका छन् ।
राष्ट्रपति कार्यालयले आइतबार जारी गरेको विज्ञप्तिमा अध्यादेश पुनर्विचार गर्नुपर्ने देखिएकाले फिर्ता पठाइएको उल्लेख छ ।
राष्ट्रपति पौडेलले संवैधानिक प्रक्रिया र आवश्यकताका आधारमा पुनर्विचारका लागि फिर्ता पठाएको कार्यालयले जनाएको छ ।
संवैधानिक परिषद् सम्बन्धी अध्यादेशले संवैधानिक अंगहरूका पदाधिकारी नियुक्ति प्रक्रियालाई प्रभावित पार्ने भएकाले राष्ट्रपतिले गम्भीरतापूर्वक अध्ययन गरी फिर्ता पठाएको बताइएको छ ।
यो निर्णयपछि अब सरकारले अध्यादेशमा आवश्यक संशोधन गरेर पुनः पेश गर्न सक्नेछ वा संसदबाट कानुन बनाउने बाटो रोज्न सक्नेछ ।
राष्ट्रपतिको यो कदमलाई संवैधानिक प्रक्रिया र सन्तुलन कायम राख्ने दिशामा सकारात्मक रूपमा हेरिएको छ ।
प्रतिक्रिया