काठमाडौं । प्रस्तावित प्रधानन्यायाधीश डा. मनोज शर्माविरुद्ध संसदीय सुनुवाइ समितिमा १६ वटा उजुरी परेका छन्।
समिति सचिवालयका अनुसार प्राप्त भएका यी उजुरीहरू भोलि (मंगलबार) बस्ने समितिको बैठकमा खोल्ने तयारी गरिएको छ।
गत वैशाख २६ गते बसेको संसदीय सुनुवाइ समितिको बैठकले प्रस्तावित प्रधानन्यायाधीश शर्माविरुद्ध १० दिनको समय सीमा तोकेर सर्वसाधारणका लागि उजुरी आह्वान गर्ने निर्णय गरेको थियो। सोही अवधिभित्र उनीविरुद्ध १६ वटा उजुरी दर्ता भएका हुन्।
उजुरीहरू खोलेपछि समितिले ती उजुरीमाथि छानबिन गर्ने र उजुरकर्ताहरूलाई बोलाएर छलफल गर्नेछ। त्यसपछि मात्र प्रस्तावित प्रधानन्यायाधीश डा. शर्माको संसदीय सुनुवाइ प्रक्रिया अघि बढ्नेछ।
प्रतिक्रिया