काठमाडौं। इरान र अमेरिकाबीचको युद्ध अन्त्य गर्ने मध्यस्थता प्रक्रियाको एक भागको रुपमा कतारको प्रतिनिधि मण्डल आइतबार तेहरान पुगेको इरानी मिडिया र एक कूटनीतिज्ञले पुष्टि गरेका छन्।
इरानको समाचार एजेन्सी आइएसएनएले कतारका विदेशमन्त्रीका सल्लाहकारलाई कुटनीतिक वार्ताको पहल गर्न इरान पठाइएको जनाएको छ।
इरानको अर्को समाचार एजेन्सी तस्निमले यो भ्रमणको उद्देश्य ‘कूटनीतिक प्रक्रियाका पछिल्ला घटनाक्रमलाई हेर्ने’ रहेको बताएको छ। कतारी वार्ताकारहरू आज बिहान तेहरानतर्फ उडेका एक कूटनीतिज्ञले एएफपीसँग बताए।
ती कूटनीतिज्ञले भने, ‘प्रतिनिधिमण्डलले सम्झौतालाई अन्तिम रूप दिन सहयोग पुर्याउन इरान भ्रमण गरेको हो।’ महिनौँदेखि जारी मध्यपूर्व युद्ध अन्त्यका लागि मध्यस्थताको नेतृत्व गर्दै आएको पाकिस्तान र अमेरिकाले आइतबार द्वन्द्व अन्त्यका लागि सहमतिमा हस्ताक्षर हुने संकेत गरेका छन्।
यद्यपि, तेहरानले त्यो समयलाई लिएर शंका व्यक्त गरेको छ र इरानी मिडियाले फ्रेमवर्कमा अन्तिम निर्णय हुन बाँकी रहेको बताएका छन्।
प्रतिक्रिया