ऊर्जामन्त्री पुन नर्भिक अस्पतालमा भर्ना, के भएको छ उनलाई ?

ऊर्जा, जलस्रोत तथा सिंचाइमन्त्री वर्षमान पुन नर्भिक अस्पतालमा भर्ना भएका छन् । स्वास्थ्य अवस्था खराब भएपछि पुन नर्भिकमा भर्ना भएका हुन् ।

रिंगाटा लागेर लडेका पुनको छातिमा समस्या देखिएपछि अपरान्ह नर्भिकमा भर्ना गरिएको थियो । पुनलाई भेट्न प्रधानमन्त्री केपी शर्मा ओली, सभामुख कृष्णबहादुर महरा, गृहमन्त्री रामबहादुर थापा बादल, वन मन्त्री शक्ति बस्नेत लगायत नर्भिक पुगेर फर्किएका छन् । नेपका अध्यक्ष पुष्पकमल दहाल ‘प्रचण्ड’ पनि पुनको अवस्थाबारे जानकारी लिन नर्भिक पुग्दैछन् ।

पुनको अवस्था सामान्य रहेको पुनको निजी सचिवालयले जनाएको छ । डाक्टर यादव भट्टसहितको टोलीले पुनको उपचार गरिरहेको छ ।आज उनलाई डाक्टरहरुले हस्पिटलमै राख्ने बताएको सभामुख महराले बताए ।