रोल्पामा मोटरसाइकलमा आगजनी तथा तोडफोड गरेको घटनामा संलग्न रहेको अभियोगमा रोल्पा गंगादेव गाउँपालिका-४ डलसिङगे बस्ने ३४ वर्षीय कृष्ण वलीलाई बिहीबार दिउँसो प्रहरीले पक्राउ गरेको छ ।
सल्यान बागचौर नगरपालिका-१२ दर्गामा गत कार्तिक २० गते रा.३ प ३२७२ नम्बरको मोटरसाइकलमा तोडफोड एवं आगजनी गरी फरार रहेका कृष्णलाई रुकुम पूर्व उत्तरगंगा गाउँपालिका-१० तक्सेराबाट प्रहरीले पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
प्रतिक्रिया