Logo

प्रमुख समाचार

विप्लवको ठेगाना पत्ता लगाउन प्रचण्डले पठायो सुराकी, यस्तो छ, योजना



नेपाल कम्युनिष्ट पार्टि (नेकपा) अध्यक्षद्व पुष्पकमल दाहाल प्रचण्डले जनयुद्धका पूर्व सहयात्री नेत्र विक्रम चन्द विप्लव नेतृत्वको नेपाल कम्युनिष्ट पार्टीलाई तह लगाउन सुराकी पठाएका छन् । उनले विप्लवलाई सिद्ध्याउन यस्तो घातक योजना अघि सारेका हुन् ।

विराटनगर विमानस्थल पुगेका दाहालले अतिवादीलाई राजनीतिक र सरकारी संयन्त्रमार्फत नियन्त्रणमा ल्याउने बताएका हुन् । उनले विप्लवलाई अतिवादीको उपमा दिनु तथा राजनीतिक र सरकारी संयन्त्र प्रयोग गर्ने बताएका कारण यसले मुलुकलाई गम्भीर मोडमा पुर्याउने देखिएको छ ।

अहिले सत्ताधारी (नेकपा)को सरकारले विप्लवका सैयौं कार्यकर्तालाई गिरफ्तार गरि जेलमा कोचेको छ । यस्तै, विप्लवका नेता कार्यकर्ता समात्न केपी ओली र प्रचण्डले कार्यकर्ता समेत खटाएका छन् ।

जनयुद्ध सञ्चालन गर्दा प्रचण्ड अतिवाद, सरकारी संयन्त्र, नियन्त्रण जस्ता शब्दसँग तर्सिने गर्थे । त्यसैकारण उनले भारतमा शरण लिइ नेपालमा युद्ध सञ्चालन गरेको आरोप लाग्ने गरेको छ ।

शान्ती प्रकृयामा व्यवस्थापन गरेको भनिएको, तर विप्लवका कार्यकर्ताबाट नियन्त्रणमा लिइएको हतियारबारे पनि प्रचण्डले अनभिज्ञता प्रकट गरेका छन् । गत हप्ता प्रहरीले मोरङका एकजना विप्लवका कार्यकर्ताबाट अमेरिका निर्मित एलएमजी र एम सिक्सटिन स्वचालित राइफल नियन्त्रणमा लिएको थियो ।

सेना समायोजनका क्रममा सेना तथा प्रहरीबाट लुटिएका भन्दा पनि कम संख्यामा प्रचण्डले हतियार बुझाएपछि त्यसमा शंका व्यक्त भएको थियो । त्यतिबेला प्रचण्डले हतियारहरू खोलाले बगाएको दाबी गरेका थिए ।

तर पछि, युद्धकै सहयात्री तथा पूर्वप्रधानमन्त्री डा. बाबुराम भट्टराइले जनयुद्धकालीन हतियारहरू बेच्न प्रचण्डले बारम्बार अन्तरराष्ट्रिय हतियार तस्करहरूसँग सेटिङ मिलाएको र त्यसका लागि सहयोग गर्न आफुलाई समेत दबाब दिएको बताएका थिए ।

प्रकाशित मिति : फाल्गुन २१, २०७५ मंगलबार  ९ : १५ बजे

0
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।