Logo

स्वास्थ्य

डा. केसी शिक्षण अस्पताल जान पाएनन्, प्रहरीले जबर्जस्ती ट्रमा सेन्टर लगियो



डा। गोविन्द केसीलाई राष्ट्रिय ट्रमा सेन्टर लगिएको छ। अनशनकै क्रममा सोमबार नेपालगञ्जबाट ११ स् १५ बजेको फ्लाइटमा काठमाडौं आएका केसीलाई त्रिभुवन विमानस्थलमा ओर्लनेबित्तिकै प्रहरीले राष्ट्रिय ट्रमा सेन्टरतर्फ लगेको हो। 

 केसीलाई ट्रमा सेन्टरको आकस्मिक कक्षमा लगिएको छ। केसीका सहयोगी प्रितम सुवेदीले केसीलाई प्रहरीले जबर्जस्ती ट्रमा सेन्टर लगेको बताए।आफ्नो सेवा अवधिभर त्रिवि शिक्षण अस्पतालमा काम गरेका केसीले गत वर्ष अवकाश लिएका थिए।

कर्णाली स्वास्थ्य विज्ञान प्रतिष्ठानमा एमबीबीएस अध्यापन सुरु गर्नुपर्ने, हरेक प्रदेशमा मेडिकल कलेज सञ्चालन गर्नुपर्ने, पीसीआर परीक्षणलाई तिब्र पारेर लकडाउन र निषेधाज्ञा खोल्नुपर्ने माग राखेर केसीले भदौ २९ गते जुम्लामा अनशन सुरु गरेका थिए।

उनले एक विज्ञप्ति जारी गर्दै दुई वर्ष अघि आफूले जुम्लामा शुरु गरेको अनशनको बेला अस्पतालमा हिंसा र तोडफोडका साथै आक्रमण भएको स्मरण गर्दै यसपटक पनि त्यो अवस्था दोहोरिन सक्ने देखिएकाले काठमाडौं गएर अनशसन जारी राख्ने घोषणा गरेका थिए।

प्रकाशित मिति : आश्विन ६, २०७७ मंगलबार  ३ : ०७ बजे

0
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।