काठमाण्डाै । पछिल्लो समय सहकारी संस्थामा देखिएका समस्या विकराल बन्दै गइरहेको छ । सहकारीका सञ्चालकहरु अनुत्पादक क्षेत्रमा लगानी गर्दा संस्थाहरु समस्यामा पर्न थालेका हुन् ।
चैत महिनामा मात्रै २३ सहकारी संस्था कालोसूचीमा परेका छन् । विभिन्न व्यक्तिहरुले दिएको उजुरीको आधारमा कर्जा सूचना केन्द्रले ती सहकारीलाई कालोसूचीमा राखेको हो । कालोसूचीमा परेकामध्ये बचत तथा ऋण, बहुद्देश्यीय, कृषि सहकारी संस्था छन् ।
यसरी कालोसूची पर्ने सहकारीहरूमा जेष्ठ सेभिङ एण्ड क्रेडिट को-अपरेटिभ लिमिटेड, तुलसी बहुमुखी सहकारी संस्था, एकता समूह बचत तथा ऋण सहकारी संस्था, शिखरचुली सेभिङ एण्ड क्रेडिट को-अपरेटिभ र पञ्चरुपा सेभिङ एण्ड क्रेडिट को-अपरेटिभ छन् ।
त्यस्तै, राम्चेदेवी बचत तथा ऋण सहकारी संस्था, गोल्डेन रोज सेभिङ एण्ड क्रेडिट को-अपरेटिभ, सूर्यपुञ्ज सेभिङ एण्ड क्रेडिट को-अपरेटिभ लिमिटेड, महिला चालक बचत तथा ऋण सहकारी संस्था, सूर्य दर्शन सेभिङ एण्ड क्रेडिट को-अपरेटिभ, शिवशिखर मल्टीप्रपोज को-अपरेटिभ लिमिटेडलाई पनि केन्द्रले कालोसूचीमा राखेको छ ।
कालोसूचीमा पर्ने सहकारीहरुमा हाम्रो नयाँ कृषि सहकारी संस्था, हाम्रो कृषि तथा पशुपालन सहकारी संस्था, माइलस्टोन सेभिङ एण्ड क्रेडिट को-अपरेटिभ लिमिटेड, राइजिङ अप सेभिङ एण्ड क्रेडिट को-अपरेटिभ, डाँफे बचत तथा ऋण सहकारी संस्था लिमिटेड, उत्तम सेभिङ एण्ड क्रेडिट को-अपरेटिभ र सुमेरु सेभिङ क्रेडिट कोअपेरेटिभ पनि रहेको छ ।
केन्द्रका अनुसार करुणा सेभिङ एण्ड क्रेडिट को-अपरेटिभ, पश्चिमोदय बचत तथा ऋण सहकारी संस्था, प्रारम्भिक सेभिङ क्रेडिट अपरेटिभ, सम्वर्द्धन सेभिङ एण्ड क्रेडिट को-अपरेटिभ र अष्ट सेभिङ एण्ड क्रेडिट को-अपरेटिभलाई पनि कालोसूचीमा राखिएको छ ।
कर्जा अपचलन गर्ने, ऋण समयमै नतिर्ने वा अन्य वित्तीय अपराध गर्नेको सूची तयार गरेर कर्जाको जोखिम व्यवस्थापन गर्ने लगायतका काम गर्ने गरी २०४६ जेठ १ गतेबाट कर्जा सूचना केन्द्र सञ्चालनमा ल्याइएको हो। राष्ट्र बैंकले विभिन्न अवस्थाको आधारमा कुनै व्यक्ति वा संस्थालाई कालोसूचीमा राख्न सकिने व्यवस्था छ।




















प्रतिक्रिया