Logo

प्रमुख समाचार

उड्न लागेको विमान धावन मार्गको बीचमा रोकिएपछि…



धनगढी । उड्न लागेको विमान धावन मार्गको बीचमा रोकिएपछि धनगढी विमानस्थल अवरुद्ध बनेको छ ।

बाजुराका लागि उडान भर्ने क्रममा चक्कामा समस्या अएपछि समिट एयरको विमान धनगढी विमानस्थलको बीच धावन मार्गमा अड्किएको धनगढी विमानस्थलका प्रमुख रामकृष्ण भट्टले बताए ।

उनका अनुसार विमानको टायरमा प्राविधिक समस्या देखिएको छ, जसका कारण सो जहाज उड्न नसकेर धावनमार्गमा रोकिएको हो । समिट एयरको जहाज विमानस्थलको बीच धावन मार्गमा रोकिएपछि धनगढी विमानस्थलबाट अन्य उडनसमेत प्रभावित बनेका छन् ।

काठमाडौंबाट धनगढी आउने तालिका रहेको बुद्ध एयरको जहाज रोकिने भएको छ भने धनगढीबाट काठमाडौंका लागि उडान भर्न तयार रहेको श्री एयरको जहाजको उडान पनि स्थगित गरिएको जनाइएको छ ।

धावन मार्गबाट उक्त जहाज नहटाएसम्म अर्को उडान हुन नसक्ने विमानस्थल प्रमुख भट्टले बताए । उनका अनुसार जहाज ग्राउण्डेड भएको र धावनमार्गबाट हटाउने प्रयास भइरहेको छ ।

प्रकाशित मिति : आश्विन २५, २०७८ सोमबार  ६ : ४३ बजे

1.5k
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।