प्रधानमन्त्रीका सल्लाहकारले नै उल्लंघन गरे पार्टी सर्कुलर, सिता पौडेल र दावा दोर्जे लामाको यस्तो तागत

चितवन । प्रधानमन्त्री केपी शर्मा ओलीका जनसम्पर्क सल्लाहकार सिता पौडेल र बाग्मती प्रदेशमा भूमि व्यवस्था कृषि तथा सहकारी मन्त्री दावा दोर्जा लामाले नेपाल कम्युनिष्ट पार्टी (नेकपा) द्धारा जारी गरिएको सर्कुलर लत्याउदै गुटगत भेला गर्दै हिंडेको पाइएको छ । नेपाल कम्युनिष्ट पार्टी (नेकपा)ले अन्तरपार्टी निर्देशन – ५ जारी गर्दै पार्टीका नेताका नाममा स्थापना भएका प्रतिष्ठान, फाउण्डेशन, अध्ययन केन्द्र जस्ता संस्थालाई प्रदेश, जिल्ला, र स्थानीय तहमा कुनै पनि शाखा गठन र गतिविधि गर्न रोक लगाउने निर्देशन दिएको थियो । 

पार्टी सचिवालय बैठकले प्रतिष्ठानसम्बन्धी अध्ययन गर्न कार्यदल बनाएर प्रतिवेदन सार्वजनिक नगरेसम्म तिनका शाखा गठन र गतिविधि नगर्न निर्देशन दिएपनि प्रधानमन्त्रीको जनसम्पर्क सल्लाहाकार सिता पौडेल र पार्टी प्रदेश कमिटी सदस्य एवम् बाग्मती प्रदेशमा भूमि व्यवस्था कृषि तथा सहकारी मन्त्री दावा दोर्जा लामाले सत्ता र शक्तिको आडमा मदन भण्डारी फाउन्डेशनको स्थानिय तहमा कमिटी गठन गर्दै नेपाल कम्युनिष्ट पार्टी (नेकपा)ले अन्तरपार्टी निर्देशन – ५ को अवज्ञा गरेका छन् । 

राप्ती नगरपालिका ०७ अन्तर्गत बिरेन्द्रनगरमा मदन भण्डारी फाउन्डेसन क्षेत्रीय कमिटी गठन गर्दै पार्टीको धज्जी उडाएका हुन् । उनीहरुले मदन भण्डारी फाउन्डेसन क्षेत्रीय कमिटीको भेला बाट गोबिन्द प्रसाद कंडेलको अध्यक्षतामा सदस्यीय३३ कार्य समिती चयन गरेका छन् । पार्टीभित्र गुटबन्दी गर्न प्रधानमन्त्रीकै सल्लाहकार लागी परेपछि केन्द्रको नीति तथा निर्देशनको ठाडो उल्लंघन भएको छ ।