Logo

प्रमुख समाचार

केपी ओलीले एमालेका मन्त्री र सांसदलाई दिए उपत्यका नछाड्न निर्देशन

मन्त्रिपरिषद्मा एमालेका मन्त्रीहरुको उपस्थिति न्यून



काठमाडौँ । पछिल्लो समय बदलिँदै गएको राजनीतिक तरङ्गबीच मन्त्री परिषद् बैठकमा एमालेका मन्त्रीहरुको संख्या न्यून रहेको छ । साँझ ५ः२० बजे यो समाचार तयार गर्दासम्म एमालेबाट मन्त्री हरि उप्रेती र ज्वाला शाहमात्र मन्त्रिपरिषद् बैठकमा उपस्थित भएका छन् ।

यसैबीच एमाले अध्यक्ष केपी शर्मा ओलीले आफ्नो पार्टीका मन्त्रीहरु र सांसदहरुलाई उपत्यका नछाड्न निर्देशन दिएका छन् ।

कुनै पनि बेला माहोल परिवर्तन हुन सक्ने भन्दै ओलीले मन्त्रीहरु र सांसदहरुलाई उपत्यका नछाड्न निर्देशन दिएको बालकोट निकट उच्च स्रोतले जानकारी दिएको छ ।

त्यसैगरी केही मन्त्री र पदाधिकारीहरुलाई उनले गम्भीर छलफलका लागि आफ्नो निजी निवास बालकोटमा बोलाएका छन् ।

एमालेका मन्त्रीहरुलाई ओलीले बोलाए बालकोट

सत्ता समीकरण परिवर्तनको चर्चा चलिरहेका बेला नेकपा एमाले अध्यक्ष केपी शर्मा ओलीले सरकारमा सहभागी एमालेका मन्त्रीलाई आफ्नो निवास बालकोटमा बोलाएका छन् ।

हाल मन्त्रिपरिषद्को बैठकमा रहेका एमाले मन्त्रीहरु सो बैठकपछि ओली निवास बालकोट जाने भएका छन् । एक मन्त्रीले न्यूजकारखानासँग कुरा गर्दै अध्यक्षले बोलाएको पुष्टि गर्दै कारण थाहा नभएको बताए ।

यस अघि आजै बिहान अध्यक्ष ओलीले प्रधानमन्त्री पुष्पकमल दाहाल प्रचण्डसँग चार घण्टा भन्दा बढी छलफल गरेका थिए । छलफलमा राष्ट्रिय सरकार बनाउने विषयमा समेत छलफल भएको दाबी गरिएको छ ।

एमालेबाट सरकारमा रघुवीर महासेठ, पदम गिरी, हरि उप्रेती, भगवती चौधरी, राजेन्द्र राई, दामोदर भण्डारी, ज्वालाकुमारी साह र बलराम अधिकारी रहेका छन् ।

शनिबार कांग्रेस सभापति शेरबहादुर देउवाले एमाले अध्यक्ष केपी शर्मा ओलीसँग भेट गरेपछि तरंगित भएको राजनीतिक वृतमा कांग्रेस- एमालेको सरकार बन्ने चर्चा चलिरहेको छ ।

 

प्रकाशित मिति : १७ असार २०८१, सोमबार १८:०१   :  बजे

207
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।