काठमाडौं । एनएलजी इन्स्योरेन्सको ६२.५६ प्रतिशत हकप्रद सेयरका लागि आज कात्तिक २६ गते सोमबारसम्म कायम सेयरधनीले आवेदन दिन पाउनेछन् ।
कम्पनीले हकप्रद सेयरको लागि कात्तिक २७ गते अर्थात् भोली बुक क्लोज गर्ने भएकाले आजसम्म कायम सेयरधनीले यसमा आवेदन दिन सक्नेछन् ।
इन्स्योरेन्सले मंसिर ११ गतेदेखि ६२.५६ शतप्रतिशत हकप्रद सेयर जारी गर्न लागेको हाे । कम्पनीले १०ः ६.२५६ अनुपातमा ९६ लाख ३१ हजार २२०.२२ कित्ता हकप्रद सेयर जारी गर्न लागेको हो ।
कम्पनीले १ सय अंकित मूल्यमा ९६ करोड ३१ लाख २२ हजार २२ सय रुपैयाँ बराबरको हकप्रद सेयर निष्कासन गर्नेछ । हकप्रद सेयर निष्कासनका लागि यसले लक्ष्मी सनराईज क्यापिटललाई बिक्री प्रबन्धक नियुक्त गरेको छ ।
हाल कम्पनीको चुक्ता पुँजी १ अर्ब ४५ करोड ९२ लाख ७५ हजार ७९० रुपैयाँ रहेको छ ।
प्रतिक्रिया