Logo

अर्थ

अनुदानको मल लुकाएर राख्ने व्यापारी पक्राउ



काठमाडाैं । सरकारले किसानलाई वितरण गर्न पठाएको २०० बोरा अनुदानको मल लुकाएर गोदाममा राखेको अभियोगमा उदयपुरको कटारीस्थित व्यापारी दिलीप चौधरी पक्राउ परेका छन् ।

१२ भदौमा बजार अनुगमनका क्रममा चौधरीको ‘आशुतोष ट्रेडर्स एण्ड जनरल स्टोर्स’मा मल फेला परेपछि उनलाई नियन्त्रणमा लिइएको हो । जिल्ला अदालतबाट ६ दिनको म्याद लिएर अनुसन्धान अघि बढाइएको इलाका प्रहरी कार्यालय कटारीका डीएसपी कमल बजगाईंले जानकारी दिए ।

सर्वदलीय छलफलपछि मल वडा नं. १ देखि ७ सम्मका किसानलाई वितरण थालिएको छ । प्रत्येक बोराको मूल्य १ हजार रुपैयाँ तोकिएको छ भने उठेको रकम राजस्व खातामा जम्मा गरिने भएको छ ।

प्रकाशित मिति : १८ भाद्र २०८२, बुधबार १२:४५   :  बजे

183
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।