Logo

प्रमुख समाचार

विपद् उद्धारमा ज्यान गुमाउने सशस्त्र प्रहरीको एक तह बढुवा, परिवारलाई पेन्सन



काठमाडौं । विपद् उद्धार कार्यमा खटिँदा ज्यान गुमाउने सशस्त्र प्रहरीका कर्मचारीका परिवारलाई अब पेन्सन सुविधा प्राप्त हुने भएको छ ।

मंगलबार बसेको मन्त्रिपरिषद्को निर्णयसँगै यस्तो अवस्थामा एक तह बढुवाको व्यवस्था पनि लागू भएको छ ।

मन्त्रिपरिषद् बैठकले सशस्त्र प्रहरी नियमावलीको चौथो संशोधन पारित गर्दै पूर्व विद्यमान संरचनामा महत्वपूर्ण सुधार गरेको हो ।

संशोधनभन्दा अघि मुठभेड, आक्रमण, विस्फोट वा हतियारधारी समूहविरुद्धका कारबाहीका क्रममा ज्यान गएमा मात्र यस्तो सुविधा दिने प्रावधान थियो ।

नयाँ व्यवस्थाअनुसार विपद् व्यवस्थापन तथा उद्धारका क्रममा ज्यान गुमाएका सशस्त्र प्रहरीका आश्रित परिवारले पनि समान सुविधा पाउनेछन्।

यो निर्णयले विपद् मोर्चामा खटिने सुरक्षाकर्मीहरूको मनोबल बढाउने अपेक्षा गरिएको छ ।

प्रकाशित मिति : ४ मंसिर २०८२, बिहीबार २१:०६   :  बजे

12
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।