बुटवल । जन गुनासो बढे पछि कपिलवस्तुका ५ दर्जन पेट्रोल पम्पको अनुगमन गरिएको छ ।
जिल्ला प्रशासन कार्यालय, गुणस्तर तथा नापतौल कार्यालय बुटवल, संचारकर्मीसहितको टोलीले पेट्रोल पम्पको अनुमगन गरेको हो । पेट्रोल पम्पले नाप र गुणस्तरमा ठगी गरेको भन्ने ब्यापक जन गुनासो छ । गुनासो र मौखिक उजुरी गरिएका ५ पम्पमा अनुगन गरिएको हो ।
सहायक प्रमुख जिल्ला अधिकारी भबिस्कर घिमिरेको नेतृत्वमा गएको टोलीले तौलिहवाको चिन्नीलाल पेट्रोल पम्प, गोरुसिंगेको रितु अटो सेन्टर, बडहराको बुद्धदर्शन पेट्रोल पम्प, प्रेमनगरको लक्ष्मी आयल सेन्टर र बिचगौरीको तौलेश्वरनाथ आयल सेन्टरमा अनुगन गरिएको थियो ।
अनुगनका क्रममा चिन्नीलाल र तौलेश्वर पेट्रोल पम्पमा नापतौल लिदा नापको परिणाम भन्दा बढी तेल दिएको देखिएकाले ती पेट्रोल पम्पलाई पेट्राल बिक्रीमा रोक लगाइएको सहयाक प्रजिअ घिमिरेले बताए ।
ती पेट्रोल पम्पका मेशीनले ३५ र ५० एमएल बढी पेट्रोल दिएको नापमा देखिएको थियो । टोलीले ५ वटै पेट्रोल पम्पमा डिजेल र पेट्रोल को नाप जाच गरेको थियो । ५ वटै पेट्रोल पम्पमा डिजेलको मात्रा ठीकै भेटिएको थियो ।
गुणस्तर तथा ताल तौल कार्यालयले अर्को पटक नापाजाच गर्न नआए सम्म २ पेट्रोल पम्पलाई पेट्रोल बिक्री नगर्न निर्देशन दिएको छ । पेट्रोल पम्पलाई सुरक्षाको उपायहरुका मापदन्ड पालना गर्न निर्देशन समेत दिएको थियो ।
प्रतिक्रिया