काठमाडौँ । संसदमा सरकारको आगामी आर्थिक वर्षको नीति तथा कार्यक्रम प्रस्तुत भइरहँदा प्रधानमन्त्री बालेन्द्र साह सदनबाट बाहिरिएपछि राप्रपाका प्रमुख सचेतक ज्ञानेन्द्र शाहीले सामाजिक सञ्जालमार्फत प्रधानमन्त्रीको कदममाथि प्रश्न उठाएका छन् ।
शाहीले फेसबुकमा लेखेका छन्, ‘संसद्मा राष्ट्रपतिबाट प्रस्तुत गरिएको नीति तथा कार्यक्रम नसुनी प्रधानमन्त्री बाहिरिनुभयो । तर संवैधानिक रूपमा राष्ट्रपतिले पढ्नुभएको दस्तावेज सरकारकै हो, अर्थात् प्रधानमन्त्रीकै नेतृत्वमा तयार गरिएको नीति तथा कार्यक्रम ।
आफ्नै सरकारले बनाएको नीति प्रधानमन्त्री आफैंलाई मन परेन कि क्या हो, त्यसैले अब संशोधनसहित नीति तथा कार्यक्रम पुनः लेख्नुपर्ने अवस्था आएको छ ।’
प्रधानमन्त्री बालेन्द्रको यस कार्यप्रति अन्य दलका सांसदहरूले पनि अस्वाभाविक भएको टिप्पणी गरिरहेका छन् भने सामाजिक संजालमा समेत उनको चर्को आलोचना भइरहेको छ।
प्रतिक्रिया